Gebakte snoek met patats en lemoenatjar

Voorverhit die oond tot 180 °C. Smeer ‘n bakplaat.

• Geur die snoek aan die vleiskant met die sout, peper en speserye.
• Meng die olie, knoffel en suurlemoensap en -skil.
• Plaas die vis met die velkant na onder op die ­gesmeerde bakplaat.
• Smeer die vis goed met van die oliemengsel en bak 10 min. in die oond.
• Smeer die res van die oliemengsel oor, sprinkel die helfte van die neute en kruie oor en bak nog 10 min. of tot die vis net gaar is en maklik vlok. 
• Bykos: Plaas die skywe patat op ’n ander bakplaat, rasper die gemmer en knoffel oor en bedruip met olie. Plaas saam met die vis in die oond. Bak tot sag en gaar.
• Atjar: Soteer die ui en knoffel in ’n bietjie olie tot sag, sprinkel klapper­suiker oor en braai tot ­effens gekaramelliseer. Roer asyn in en verhit so 2 min. Verwyder van die hitte en voeg die lemoenskyfies by. Meng deur.
• Vir voorsit: Sny die vis in porsies, sprinkel die res van die kruie en neute oor en sit voor saam met die patat en atjar.