Gebruik ’n skerp mes en maak kepe in die hoenderstukke tot by die been. Vir die dye en boudjies sal ’n paar kepe voldoende wees, maar omdat die vleis van die bors veel dikker is, sal die kepe kruis en dwars moet wees sodat die marinade egalig kan versprei.
Meng die res van die bestanddele in ’n bak om ’n marinade te maak. Voeg die hoenderstukke by en vryf met die marinade in tot dit goed bedek is.
Bedek die bak met kleefplastiek en laat die hoender ’n paar uur in die yskas marineer.
Jy kan die hoender in die oond of oor die kole braai. Hoe ook al, dit sal heerlik wees.
Vir voorsit: Rond af met die vars koljander en sit voor saam met die komkommer- en sprietui-linte, raita en naan.
