Omeletpakkies met roket en parmesaan

1. Breek die eiers in ‘n mengbak en klop
dit met ‘n draadklitser tot gemeng. Gooi die
witwyn en grasuie by en geur dit met sout
en vars gemaalde swartpeper.

2. Verhit die olyfolie in ‘n kleefvrye pan en
gooi net ‘n bietjie van die eier by ? net
genoeg om die boom te bedek. Kantel die pan
sodat die eier oor die pan versprei kan word en
braai dit vir sowat ‘n minuut oor matige hitte tot
goudbruin. Draai om en braai die ander kant.
Keer dit uit en laat afkoel terwyl die res van die
omelette gemaak word. Gooi nog olie in die pan,
indien nodig.

3. Dreineer die sondroogtamaties, maar moenie
die vinaigrette of olyfolie weggooi nie. Snipper
die tamaties fyn en meng dit met die roket en
parmesaan. Meng sowat 15 ml van die vinaigrette
of olie by.

4. Verdeel die roketslaai tussen die 8 omelette en
rol dit op. Pak dit met die naatkant na onder op
‘n bord en sit dit teen kamertemperatuur voor.