Meringue-kors (vir ’n pawlowa)

1. Voorverhit die oond tot 120 ºC (250 ºF).
2. Trek ’n sirkel op aluminiumfoelie so groot soos wat die tert moet wees, dit wil sê sowat 220 mm in deursnee.
3. Klits eierwitte, kookwater, sout en kremetart styf. Gebruik ’n draadklitser wat lang hale klits, of wissel dit af met ’n elektriese klitser om die eierwit vinnig styf te klits en baie lug in te klits.
4. Voeg die strooisuiker lepelsgewys by en klits goed ná elke byvoeging. As al die strooisuiker ingeklits is, voeg die geursel drupsgewys by. Vou die mielieblom in.
5. Smeer ’n laag van die skuim 1 cm dik op die aluminiumsirkel om die bodem van die tertkors te vorm.
6. Druk met ’n groot roosversierbuis ’n dik rand van die skuim al op die buitelyn van die sirkel.
7. Bak 50 – 60 minute lank.
8. Haal die dop versigtig van die foelie af, vul met geklitste room en versier met bessies of ’n verskeidenheid vars vrugte. Sit voor as nagereg.