Marokkaanse hoender

Recipe from: February 2010
marokkaanse hoender

Ingredients 7
Servings 8
Time 30 minutes

Ingredients

  • 1,5 kg hoenderstukke
  • 2 groot, fyngekapte pers uie
  • 2 fyngekapte knoffelhuisies
  • ½ teelepel (2,5 ml) fyn saffraan
  • ½ teelepel (2,5 ml) gemaalde gemmer
  • ¼ teelepel (1 ml) Gestampte droë rissies
  • ’n koppie (250 ml) water
 

Method

1.25 hours
 
As jy nou nie soos die gros van kookboeklesers is wat net lippe smak en dan die handjies weer om die boek slaan om verder te lees nie, dan het jy mos lekker vir jou ingelegde suurlemoene gemaak en wonder jy so ’n bietjie waarvoor jy dit kan gebruik. Hier’s jou kans – Noord-Afrikaanse gestoofde hoender: maklik, heerlik en ook geskik vir winkelhoenders.  Gooi ’n bietjie olyfolie in ’n swaarboomkastrol en braai 1,5 kg hoenderstukke wat jy met sout en peper gegeur het alkant mooi bruin in die warm olie. Voeg nou hierby 2 groot, fyngekapte pers uie as jy het (so nie gewone wit uie); 2 fyngekapte knoffelhuisies; ½ teelepel (2,5 ml) fyn saffraan (gaan soek maar as jy nie het nie, maar dit is nodig); ½ teelepel (2,5 ml) gemaalde gemmer; en ¼ teelepel (1 ml) Gestampte droë rissies. Gooi ook ’n koppie (250 ml) water by, of hoenderaftreksel as jy het. ’n Skeutjie oorskiet-witwyn in die water sal nie kwaad doen nie, hoewel dit seker nie tradisioneel is nie. Maar ek skat ’n winkelhoender het al die hulp nodig wat hy kan kry. Laat stowe die hoender 1 tot 1¼ uur lank op ’n stadige vuur tot dit sag is. Gooi maar ’n bietjie kookwater by as dit te droog om die kiewe begin lyk. So 10 tot 15 minute voor die kooktyd om is, gooi jy die skil van ’n ingelegde suurlemoen by wat in wiggies gesny is. Ek is lankal te snoep om net die skil te gebruik, en daarom kap ek die hele wiggie op. Jy gooi ook 36 pers of groen olywe by waarvan jy dit pitte uitgehaal het. Voor jy bedien, proe jy gou of alles lekker smaak en gooi ’n hand vol fyngekapte pietersielie of koljander oor en die sap van ’n suurlemoen indien nodig. Dit smaak lekker met gekookte rys en ’n vars blareslaai.

 
 

Read more on: poultry
 

You might also Like

NEXT ON FOOD24X

Frozen Tiramisu

2017-12-13 10:48
 
 

24.com publishes all comments posted on articles provided that they adhere to our Comments Policy. Should you wish to report a comment for editorial review, please do so by clicking the 'Report Comment' button to the right of each comment.

Comment on this story
0 comments
Comments have been closed for this article.
 
 
 
 
 
 
There are new stories on the homepage. Click here to see them.