© 2020 Food24.com. All rights reserved.
Skil die eiervrugte, maar los die skil van sowat ’n derde daarvan aan – net omdat dit baie mooier lyk. Sny in kwarte, bestrooi met sout en sit vir 20 min. eenkant. Druk droog met kombuispapier.
Verhit die olie in ’n braaipan en braai die eiervrugstukke in sarsies tot goudbruin. Dreineer op kombuispapier.
Sny ’n kruis in die onderkant van elke tamatie en bedek met kookwater. Los ’n paar minute sodat die skil lostrek. Trek die skil af en kap fyn. Sit eenkant.
Verhit die ekstra olie in ’n swaarboomkastrol en soteer die uie tot deur-
skynend. Voeg die knoffel en kekerertjies by en soteer ’n paar minute.
Voeg dan die gekapte tamaties, tamatiepasta, brandrissiepoeier en sout by en kook 5 min. Voeg die water by en bring tot kookpunt.
Skep die mengsel uit en pak die eiervrug op die bodem van die kastrol. Skep die mengsel terug en strooi die ment oor. Sit die deksel op en laat prut 25-30 min. oor lae hitte. Sit warm of koud voor.